Жаңа білім ордасы

26 қаңтар Төңкеріс ауылымызда көптен күткен жаңа  білім ордасының ғимараты  қолданысқа берілді. Салтанатты жиынға аудан, облыс қонақтары, ата-аналар, оқушылар қатысты. Сонымен қатар, ауыл ақсақалы Мусин Жақсылық Бошполұлы ауыл тұрғындарының атынан алғыс білдіріп, ақ батасын беріп өтті. Жаңа мектептің іргетасын қалаушы ВІ group компаниясы.  Мектеп 2 қабатты, 110 орынға арналған модульдік мектеп. Білім ордасында барлығы 14 кабинет. Оқу кабинеттері заманауи технологиялармен жабдықталған. Әр оқу кабинетінде сенсорлы AсtivPanel тақтасы бар.  Жаңа модификациялы химия-биология кабинетінде пәнге қажетті технологиялар толық қамтамасыз етілген. Мәселен, әр оқушының алдында электронды микроскоп, химиялық тұрғы (штатив), реактивтер сақтаушы шкаф, зертханалық кабинет, демонстрациялық үстел,  т.б. 
Музыка кабинеті музыкалық аппаратура, пианино, аккордеон, қобыз, домбыра, сыбызғы сынды музыкалық аспаптарымен қамтамасыз етілген. 
Кітапхана бірнеше жаңа кітаптармен толықты. Оқушылар үшін кең, ыңғайлы оқу залы жасалған.
Бастауыш оқушылары үшін бірнеше ойыншықтар; оқушылардың бейнелеу, еңбек өнерімен айналысу үшін керекті құралдар, мольберт тақтасы қолданысқа берілді. 
Тағыда жаңаша медициналық кабинет, асхана, мұғалімдер бөлмесі, спорт зал керекті құрал-жабдықтармен жаңаша үлгіде жабдықталған. Сонымен қатар, мектеп алаңында да балалар және спорт алаңы орнатылған.

Жаңа мектепке қадам басқан әр білім алушы, ұстаздар қауымы шексіз риза. Жаңа мектеп жаңа бастамалар әкелсін!

https://www.instagram.com/tv/CZSRWYYoxQZ/?utm_medium=copy_link