Міндетті мектеп формасы

Міндетті мектеп формасы туралы
02.08.2022 жылғы № 06-02/4051 хаты негізінде «Ақмола облысы білім басқармасының Целиноград ауданы бойынша білім бөлімі» ММ-сі ағымдағы 2022-2023 оқу жылында мектеп формасына қойылатын талаптар Қазақстан Республикасы білім және ғылым министрінің 2016 жылғы 14 қаңтардағы №26 бұйрығына сәйкес сақталатынын хабарлайды.
Орта білім беру ұйымдарының міндетті мектеп формасы ( бұдан әрі-мектеп формасы) оқытудың зайырлы сипатына сәйкес келуі тиіс. Мектеп формасының стилі, түсі классикалық стильде, бірыңғай түс гаммасында, үш түстен аспайтын түстерді араластыруға жол беріле отырып ұсталады. Мектеп формасының түсі тыныш және ашық емес реңктерден таңдалады.

Анықтамалық:
Ұлдарға арналған мектеп формасы мыналарды қамтиды:
Пиджак, жилет, шалбар, салтанатты жейде, күнделікті жейде(қысқы кезең: трикотаж жилет, водолазка). Ұлдарға арналған шалбар еркін кесілген және ұзындығы бойынша аяқтың білектерін жабады.

Қыздарға арналған мектеп формасы мыналарды қамтиды:
Пиджак, жилет, юбка, шалбар,классикалық блузка(қысқы кезең трикотаж жилет,сарафан, водолозка).Қыздарға арналған шалбар еркін кесілген және ұзындығы бойынша аяқтың білектерін жабады.

Ұлдарға арналған салтанатты форма ақ көйлекпен, қыздарға арналған ақ блузкамен толықтырылған күнделікті формадан тұрады.

Ұлдар мен қыздарға арналған спорттық киім: Спорттық киім: спорттық костюм(спорттық шалбар, футболка),спорттық аяқ киім(кроссовкалар).
Мектеп формасына түрлі конфессиялардың діни киім элементтерін енгізуге жол берілмейді.
Мектеп формасының түсін,фасонын және юбка ұзындығын таңдауды орта білім беру ұйымы және қоғамдық кеңес айқындайды, жалпы мектептік ата-аналар жиналысының хаттамасымен бекітілсін.
Осыған байланысты әр мектепте педагогикалық ұжымдармен және ата-аналар қауымдастығымен түсіндіру, жұмыстарын жүргізу қажет.